“გახარიამ უფასო საზოგადოებრივი ტრანსპორტის იდეა რომ შემოგვთავაზა, ნარკომანობა დააბრალეთ. ჰოდა, გადაიხადეთ ლარი" - სოფიო ხორგუანი
სახალხო დამცველის ყოფილი მოადგილე, სოფიო ხორგუანი საზოგადოებრივ ტრანსპორტზე ტარიფების ზრდას სოციალურ ქსელში ეხმიანება:
“გახარიამ უფასო საზოგადოებრივი ტრანსპორტის იდეა რომ შემოგვთავაზა, ნარკომანობა დააბრალეთ. ჰოდა, გადაიხადეთ ლარი იმაში, რაც 50 თეთრი ღირდა, თან ამტკიცეთ, რომ მოგწონთ და ეს გაიაფებაა… ისე კალაძემ (რომელმაც მშვენივრად იცოდა, გახარიას არასოდეს არანაირ ნარკოტიკთან შეხება არ ჰქონია), საკუთარ პოლიტიკურ კარიერას მაშინ დაუსვა წერტილი, იმ მავნებლურ ტინგიცობაში რომ გაერია. დანარჩენი დროის ამბავია და შემთხვევის, ჟანრის კანონის თანახმად.პ.ს. კატა გიგი ბაზილიო, ალისა ნიკა მელია და კარაბას-ბარაბასი მიშა არავინ მიხსენოთ, ანაზდად”, – წერს ხორგუანი.
