"მასობრივი ვაქცინაცია არის პანდემიის დაძლევის ერთადერთი საშუალება“ - თენგიზ ცერცვაძე
ინფექციური პათოლოგიის და შიდსის ცენტრის დირექტორმა, თენგიზ ცერცვაძემ განაცხადა, რომ სულ მალე საქართველოში კორონავირუსით ინფიცირების ახალი შემთხვევების რაოდენობა კატასტროფულად მაღალი იქნება.
„უახლოეს დღეებში შემთხვევების კიდევ უფრო მატებას ველით. ისევე, როგორც ეს მოხდა მთელ მსოფლიოში. ვისაც მესამე, ბუსტერ-დოზა გაკეთებული აქვს, მათ იშვიათად ემართებათ, ამიტომაც მასობრივი ვაქცინაცია არის პანდემიის დაძლევის და თუნდაც „ომიკრონის“ თავიდან აცილების საშუალება“, – განაცხადა თენგიზ ცერცვაძემ.
