"იმედია, ბატონმა პაატამ არასწორად გაიგო ჟურნალისტის შეკითხვა" - გიორგი ფხაკაძე
საზოგადოებრივი ჯანდაცვის ექსპერტი, გიორგი ფხაკაძე სოციალურ ქსელში, პაატა იმნაძის განცხადებას ეხმაურება და აღნიშნავს, რომ მას არავისთან დაპირისპირება არ სურს.
"მე მესმის რომ ყველა დაიღალა, მესმის, რომ რაღაცები გვავიწყდება/გვეშლება.
იმედია, რომ ბატონმა პაატამ არასწორად გაიგო ჟურნალისტის შეკითხვა.
საქართველოში არსებული რეგულაციების მიხედვით (ომიკრონამდე მიღებული), კოვიდგადატანილები 2 ჯერ იცრებიან ….
ყველაფერი იცვლება… და არსებული რეგულაციების გადახედვა უნდა მოხდეს. ეს არის ჩემი მოსაზრება არსებული მონაცემების საფუძველზე…
მე არავისთან დაპირისპირება არ მაქვს, ვინაიდან დაპირისპირების საგანი არ არსებობს. ჩვენ ყველა ვუპირისპირდებით ერთ მტერს და ეს არის კოვიდი“, - წერს გიორგი ფხაკაძე.
შეგახსენებთ, "ორჯერ აცრილი ადამიანი კოვიდინფირების შემდეგ ხელახლა, სამჯერ უნდა აიცრას“ - ჯანდაცვის ექსპერტის, გიორგი ფხაკაძის ამ განცხადებას, დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ უპასუხა და აღნიშნა, რომ ბატონი გიორგის ფხაკაძე გამონათქვამებზე კომენტარს არ გააკეთებს.
