Wizz Air უკრაინელ ლტოლვილებს დაასაქმებს
უნგრული დაბალბიუჯეტიანი ავიაკომპანია Wizz Air უკრაინელ ლტოლვილებს ავიაკომპანიის ოფისებში დაასაქმებს.
ავიაკომპანიის ინფორმაციით, უკრაინის მოქალაქეებს, რომლებმაც ქვეყანა რუსეთის მიერ გაჩაღებული ომის გამო დატოვეს, შესაძლებლობა ეძლევათ განაცხადი გააკეთონ ვაკანტურ პოზიციებზე ავიაკომპანიაში.
გარდა ამისა, ავიაკომპანია მზადაა, უკრაინელ ლტოლვილებს ბუდაპეშტში, ან სხვა არჩეულ ადგილას, სამუშაო ნებართვის მოპოვებაში დაეხმაროს.
