უკრაინაში საბრძოლველად 320 000-ზე მეტი უკრაინელი დაბრუნდა
უკრაინის სახელმწიფო საზღვრის დაცვის სამსახურის ინფორმაციით, ქვეყანაში საბრძოლველად, რუსეთის ღია შეიარაღებული აგრესიის დაწყების შემდეგ, 320 000-ზე მეტი უკრაინელი დაბრუნდა.
მათივე ცნობით, დაბრუნებული უკრაინელების უმეტესობა მამაკაცია.
„ჩვენი ბიჭები არ ნებდებიან, ამიტომ უნდა დავეხმაროთ, უნდა ვიბრძოლოთ ჩვენი ქვეყნისთვის. უკრაინა თავისუფალი უნდა იყოს, ისევე როგორც ყველა ადამიანი“, - აცხადებენ საზღვრის დაცვის სამსახურში.
შეგახსენებთ, რუსული ძალები უკრაინაში 24 თებერვალს შეიჭრნენ.
