შსს მოუწოდებს აქციის მონაწილეებს, გახსნან სატრანსპორტო მოძრაობა - სპეციალური განცხადება
შსს განცხადებას ავრცელებს და საქვავის ფასების ზრდასთან დაკავშირებით მიმდინარე აქციის მონაწილეებს მოუწოდებს, გახსნან სატრანსპორტო მოძრაობა და დაემორჩილონ პოლიციის კანონიერ მოთხოვნებს.
"თბილისში, 27 მარტს მიმდინარე საპროტესტო აქციის ფარგლებში, აქციის მონაწილეებმა მოახდინეს სხვადასხვა ადგილას სატრანსპორტო კვანძის დაკეტვა.
აღნიშნული ქმედება იწვევს დედაქალაქში სატრანსპორტო კოლაფსს.
შინაგან საქმეთა სამინისტრო, როგორც მართლწესრიგის დაცვაზე პასუხისმგებელი უწყება, მოუწოდებს ყველა მოქალაქეს, აქციის ორგანიზატორებს და მონაწილეებს, დაიცვან მართლწესრიგი, გახსნან სატრანსპორტო მოძრაობა და დაემორჩილონ პოლიციის კანონიერ მოთხოვნებს.
აქციის მიმდინარეობისას, სამართალდარღვევის ნებისმიერი ფაქტი პოლიციის მიერ, კანონის ფარგლებში, იქნება აღკვეთილი", - ნათქვამია შსს-ს განცხადებაში.
