"მიმდინარეობს მუშაობა ახალი თაობის ჰიპერბგერითი რაკეტების შექმნაზე, ისინი გადააჭარბებენ წამყვანი სახელმწიფოების არსებულ და მომავალ განვითარებას" - რუსეთის ვიცე-პრემიერი
რუსეთის ფედერაციის ვიცე-პრემიერი, იური ბორისოვი, რომელიც ხელმძღვანელობს სამხედრო-სამრეწველო კომპლექსს აცხადებს, აცხადებს, რომ რუსეთმა ახალი ჰიპერბგერითი რაკეტების შექმნა დაიწყო.
"მიმდინარეობს მუშაობა ახალი თაობის ჰიპერბგერითი რაკეტების შექმნაზე სახმელეთო, საჰაერო და საზღვაო ბაზისთვის. მათი მახასიათებლებით ისინი გადააჭარბებენ წამყვანი სახელმწიფოების არსებულ და მომავალ განვითარებას. დაგეგმილია ამ რაკეტებით მოდერნიზებული და პერსპექტიული საავიაციო სისტემების აღჭურვა, უკვე მიმდინარეობს გამოცდები Tu-22M3M რაკეტებზე“, - განაცხადა ბორისოვმა.
კითხვაზე ეწურება თუ არა რუსეთს მაღალი სიზუსტის რაკეტების მარაგი, რუსეთის ვიცე-პრემიერმა უპასუხა:
"თუ ყველაფერს დაიჯერებთ, რასაც მეორე მხარეს ამბობენ, რუსეთს მარტში უნდა ამოწურვოდა რაკეტები. მაგრამ რატომღაც არ ამოიწურა. თანამედროვე მაღალი სიზუსტის რაკეტებისა და საბრძოლო მასალის მარაგი საკმარისია რუსეთის შეიარაღებული ძალებისთვის დაკისრებული ყველა ამოცანის შესასრულებლად“, - განაცხადა ბორისოვმა.
