სალომე სამადაშვილი ირაკლი ღარიაშვილსა და ირაკლი კობახიძეს სასამართლოში უჩივის
"ლელოს" წევრი, ოპოზიციონერი პოლიტიკოსი, სალომე სამადშვილი საქართველოს პრემიერსა და "ქართული ოცნების" თავმჯდომარეს სასამართლოში უჩივის.
"ღარიბაშვილის თავდასხმის შემდეგ, დამიკავშირდნენ სხვადასხვა საელჩოები და მკითხეს, უსაფრთხოდ ვგრძნობ თუ არა თავს. თვლიან, რომ ვინმეს გამოცხადება ქვეყნის მოღალატედ, არის ძალადობის წახალისება. მირჩიეს, რომ შევიტანო სარჩელი.
დღეს კობახიძემ გაიმეორა იგივე.
მსურს საზოგადოებას ვაცნობო, რომ გადავწყვიტე ოფიციალურად ვუჩივლო ივანიშვილის ორივე ხელქვეითს.
არ ვიცი, რომელ სოროებში იქნებიან იმ დროისთვის, როდესაც ეს სარჩელი დაკმაყოფილდება, ივანიშვილის სასამართლო, ცხადია, სარჩელს თაროზე შემოდებს. მაგრამ მიაკითხავს სამართალი, ადრე თუ გვიან", - წერს სამადაშვილი სოციალურ ქსელში.
