"კიდევ ვინ უნდა გარდაიცვალოს, რომ პრობლემა მოგვარდეს" - რას ამბობს მარნეულში ჩამონგრეულ კორპუსში მცხოვრები?
მარნეულში, 5-სართულიანი საცხოვრებელი სახლის მე-5 სართულზე აივანი ჩამოინგრა და მეოთხე სართულის აივანიც მოიყოლა. კორპუსში მაცხობრებლები, აცხადებენ, რომ წლების განმავლობაში მერიას რამდენჯერმე მიმართეს, რომ საცხოვრებლის აივნები ავარიული იყო, თუმცა რეაგირება არ ყოფილა.
“წლებია ვითხოვთ რეაგირებას, ბევრჯერ მივმართეთ მერიას, თუმცა უშედეგოდ. ამ უბედურ შემთხვევაზე პასუხისმგებლობა სახელმწიფოს ეკისრება. ეს საცხოვრებელი სახლი მთლიანად ავარიულ მდგომარეობაშია, ხვალ, ზეგ კიდევ ვინ უნდა გარდაიცვალოს, რომ აქ პრობლემა მოგვარდეს. გუშინ ასეთი უბედურება მოხდა და სახელმწიფოს მხრიდან არავინ მოსულა, ეს ნორმალურია?”, – ამბობს ერთ-ერთი მცხოვრები.
