საქართველოს არსებობის 5000-წლიანი ისტორია აქვს და ამ ისტორიას ვერავინ გადაწერს - თალაკვაძე მედვედევის განცხადებაზე
პარლამენტის ვიცე-სპიკერი, არჩი თალაკვაძე რუსეთის უშიშროების საბჭოს მდივნის მოადგილის, დიმიტრი მედვედევის დღევანდელ განცხადებას ეხმაურება, სადაც ამბობს, რომ საქართველო რუსეთთან შეერთებამდე საერთოდ არ არსებობდა, როგორც ქვეყანა.
„საქართველოს არსებობის 5000-წლიანი ისტორია აქვს და ამ ისტორიას ვერავინ გადაწერს, - ამბობს თალაკვაძე.
თალაკვაძის თქმით, ეს განცხადება და შემდეგ გაკეთებული განმარტებები კიდევ ერთხელ ადასტურებს, თუ რა რთულ ბეწვის ხიდზე უწევს საქართველოს გავლა.
