ამის ერთადერთი მიზანია, საქართველო რამენაირად გახდეს მეორე ფრონტი, რასაც არ დავუშვებთ - კობახიძე რუსებისთვის სავიზო რეჟიმის მოთხოვნაზე
რუსეთის მოქალაქეებისთვის სავიზო რეჟიმის დაწესების შესახებ მოთხოვნას, "ქართული ოცნების" თავმჯდომარე, ირაკლი კობახიძე გამოეხმაურა და აღნიშნა, რომ ეს "ნაციონალური მოძრაობის“ მიერ აგორებული კამპანიაა და სერიოზულად ვერ შეხედავენ.
„ამ ვითარებაში სავიზო რეჟიმის მოთხოვნა პირდაპირ არის ქსენოფობიური კამპანიის შემადგენელი ნაწილი. ვერანაირად მოახერხეს საქართველოში მეორე ფრონტის გახსნა და ამ გზებით ცდილობენ ამის გაკეთებას. ეს არის ომის პარტიის, „ნაცმოძრაობის“ მიერ აგორებული კამპანია, ამ ქსენოფობიურ-შოვინისტური კამპანიის შემადგენელი ნაწილი. ასეთ დროს ამ კამპანიის აწევა ემსახურება ერთადერთ მიზანს, რომ საქართველო რამენაირად გახდეს მეორე ფრონტი, რასაც არ დავუშვებთ. შესაბამისად, რა თქმა უნდა, სერიოზულად ვერ შევხედავთ იმ პეტიციებს თუ კამპანიის სხვა ელემენტებს, რომელიც არის შემოთავაზებული," - განაცხადა კობახიძემ.
შეგახსენებთ, "ლელო" გამოვიდა ინიციატივით რუსეთის და ბელარუსის მოქალაქეებს ვიზები დაუწესდეს.
