ცისფერ ცაზე ვარსკვლავი დაიბადა... - რას წერს "ნაპოლი" ხვიჩა კვრაცხელიაზე?
"ნაპოლიში" ქართველი ფეხბურთელის, ხვიჩა კვარაცხელიას წარმატებულ დებიუტს საფეხბურთო კუბის ოფიციალური ვებ-გვერდი ეხმაურება მას "სასწაულს" უწოდებს.
"ვარსკვლავი დაიბადა. ის "მარადონაზე" ნათლობისას ცისფერ ცაზე ანათებს. მას აქვს ამოუცნობი სახელი და შეუდარებელი ნიჭი. დაუძახეთ კვარა. თამაშის დაწყებიდან ნახევარ საათში იდუმალებით მოცული მზერით ანათებს სცენას და ბურთის სუფთა აბრეშუმისებრი ალერსით გააქვს გოლი. მარცხენა ფეხით დარტყმული კუპიდონის ისარივით ხვდება ნეაპოლიტანელთა გულს. ეს არის KO დარტყმა "მონცასთვის" (კვარაცხელია, ოსიმენი). კვარას მესამე გოლი - ოქროს ბიჭი ყინულის თვალებით და კრისტალური ნიჭით. უწოდეთ "ქართველი" ან უბრალოდ სასწაული. ეს არის ხვიჩა კვარაცხელიას პირველი დიდების საღამო "მარადონაზე". ისტორია უკვე დაწერილია. ცისფერ ცაზე ვარსკვლავი დაიბადა..." - ვკითხულობთ ტექსტში.
ცნობისთვის, სერია A-ში, ორ თამაშში ხვიჩა კვარაცხელიამ 3 გოლი გაიტანა.
