როგორია უკრაინაში დაჭრილი ქართველი მებრძოლების მდგომარეობა?
უკრაინაში დაჭრილი ქართველი მებრძოლების მდგომარეობა სტაბილურია. ისინი მკურნალობის კურსს გადიან და მათ სიცოცხლეს საფრთხე არ ემუქრება.
დაღუპულ მებრძოლს გელა გოგიას კი, სამშობლოში, სავარაუდოდ, ორშაბათს ჩამოასვენებენ.
გელა გოგია კრამატორსკთან მიმდინარე შეტაკებებისას დაიჭრა და მისი გადარჩენა ვერ მოხერხდა. იგი აფხაზეთის ომის მონაწილე იყო, ბოლო წლების განმავლობაში უკრაინაში ცხოვრობდა, ხოლო ომში პირველივე დღიდან აქტიურად იბრძოდა.
უკრაინაში რუსეთის სამხედრო აგრესიის დაწყებიდან უკვე 19 ქართველი მებრძოლი დაიღუპა.
