იტალიის მთავრობა უკრაინისთვის შეიარაღების ახალ პაკეტს ამზადებს
იტალიის მთავრობა უკრაინისთვის შეიარაღების ახალ პაკეტს ამზადებს, რომელიც საჰაერო თავდაცვის სისტემას მოიცავს. ინფორმაციას ამის შესახებ სააგენტო Reuters-ი ავრცელებს.
როგორც ოფიციალური პირები აღნიშნავენ, რომი მზად არის, მიაწოდოს უკრაინას საჰაერო თავდაცვის სხვადასხვა სისტემა, მათ შორის Stinger-ის რაკეტები.
იტალიის თავდაცვის მინისტრმა, გვიდო კროზეტომ ორშაბათს სატელეფონო საუბარი გამართა აშშ-ის თავდაცვის მდივან ლოიდ ოსტინთან და პირობა დადო, რომ იტალია მხარს დაუჭერს უკრაინას მანამ, სანამ საჭირო იქნება.
