ნატო გააგრძელებს უკრაინის გვერდით დგომას, რამდენი ხანიც საჭირო იქნება - იენს სტოლტენბერგი
ნატო გენერალურმა მდივანმა, იენს სტოლტენბერგმა განაცხადა, რომ ნატო გააგრძელებს და გააძლიერებს უკრაინის მხარდაჭერას იმდენ ხანს, რამდენიც საჭირო იქნება.
"ნატო გააგრძელებს უკრაინის გვერდით დგომას, რამდენი ხანიც საჭირო იქნება. ჩვენ უკან არ დავიხევთ. ბევრი ომი მოლაპარაკებებით მთავრდება, მაგრამ რა მოხდება მოლაპარაკებების მაგიდასთან, დამოკიდებულია იმაზე, თუ რა ხდება ბრძოლის ველზე“, - აღნიშნა სტოლტენბერგმა.
