ზუგდიდში ავტომობილი არაფხიზელ მდგომარეობაში მყოფ მამაკაცს დაეჯახა
„პრაიმტაიმის“ ინფორმაციით, ზუგდიდში, რუსთაველის ქუჩაზე მსუბუქი ავტომობილი ქვეითს დაეჯახა.
დაშავებული რეფერალურ საავადმყოფოში გადაიყვანეს. თვითმხილველთა თქმით, არაფხიზელ მდგომარეობაში მყოფი მამაკაცი, სავარაუდოდ, გზის სავალი ნაწილის გადაკვეთას ცდილობდა, რა დროსაც შემთხვევა მოხდა.
მათივე თქმით, დაშავებულ კაცს გონებაც არ დაუკარგავს. შემთხვევის ადგილზე მობილიზებული იყო პოლიცია, სამაშველო და სასწრაფო დახმარების ჯგუფები.
