რუსთაველის გამზირი გადაიკეტა - პარლამენტთან აქცია „არა რუსულ კანონს“ მიმდინარეობს
არა რუსულ კანონს! - რუსთაველის გამზირი, სადაც მოქალაქეები, სამოქალაქო აქტივისტები და პოლიტიკური პარტიების წარმომადგენლები რუსული კანონის საწინააღმდეგოდ იკრიბებიან, გადაიკეტა. აქცია პარლამენტის წინ ამ წუთებში იწყება.
„უცხოური გავლენის გამჭვირვალობის შესახებ“ კანონპროექტის გასაპროტესტებლად მოქალაქეები პარლამენტთან დღეს, 12:00 საათიდან შეიკრიბნენ. კანონპროექტს მოქალაქეები მესამე დღეა აპროტესტებენ.
