აშშ-ის საპრეზიდენტო არჩევნებამდე დარჩენილ 5 თვეში შესაძლოა მესამე მსოფლიო ომი დაიწყოს - დონალდ ტრამპი
აშშ-ის ექსპრეზიდენტის, დონალდ ტრამპის განცხადებით, თეთრი სახლის ამჟამინდელი ხელმძღვანელობის არაკომპეტენტურობის გამო ამერიკის საპრეზიდენტო არჩევნებამდე დარჩენილ 5 თვეში შესაძლოა მესამე მსოფლიო ომი დაიწყოს. ამის შესახებ მან მინესოტაში მხარდამჭერებთან შეხვედრაზე განაცხადა.
მისივე თქმით, თანამედროვე შეიარაღება ისეთი მძლავრია, რომ ასეთი ომის შემთხვევაში არც ისე ბევრი ადამიანი გადარჩება.
„უახლოეს ხუთ თვეში შეიძლება მესამე მსოფლიო ომში აღმოვჩნდეთ, იმიტომ რომ ქვეყანას არაკომპეტენტური ხალხი მართავს. ჩვენი ქვეყანა ძალიან სუსტია და შეიძლება ძალიან მალე მესამე მსოფლიო ომში იყოს ჩათრეული, იმიტომ რომ ამერიკას სულელები მართავენ“, - განაცხადა ექსპრეზიდენტმა.
