მაკრონი ირანს უკრაინის ომში რუსეთის მხარდაჭერის გამო აფრთხილებს
ელისეის სასახლის ცნობით, 29 ივლისს, საფრანგეთის პრეზიდენტ ემანუელ მაკრონსა და ირანის ახლად არჩეულ პრეზიდენტ მასუდ პეზეშქიანს შორის გამართულ სატელეფონო საუბარში მაკრონმა თავისი ახალი ირანელი კოლეგა უკრაინის ომში ირანის მხრიდან რუსეთის მხარდაჭერის შესახებ გააფრთხილა.
საუბარში მაკრონმა ირანის პრეზიდენტს ასევე უთხრა, რომ ირანმა დესტაბილიზაციის გამომწვევი მოთამაშეების მხარდაჭერის შეწყვეტით თავისი როლი უნდა ითამაშოს ისრაელსა და ლიბანს შორის მზარდი ესკალაციის შეჩერებაში.
მაკრონმა ასევე მოითხოვა, რომ ირანმა შეაჩეროს ბირთვული პროგრამის აღმაშფოთებელი ესკალაცია და ანგარიში გაუწიოს საერთაშორისო ორგანიზაციებს.
და ბოლოს, საფრანგეთსა და ირანს შორის ურთიერთობების დალაგებისთვის პრიორიტეტულ პირობად სამი ფრანგი მოქალაქის ირანის ტყვეობიდან გათავისუფლება დასახელდა.
