როგორ გაართოთ თქვენი პატარა - ქალწული
თუკი პატარებს დააკვირდებით, ალბათ შეამჩნევთ, რომ ზოგიერთ ბავშვს, ეზოში თანატოლებთან სირბილი უყვარს, ზოგი თავისთვის წყნარად ერთობა კონსტრუქტორის შენებით, ზოგი კი ფერადი ფანქრებისა და სუფთა ფურცლის დანახვაზე ხდება დამყოლი და მშვიდი. ასტროლოგებს კი მიაჩნიათ, რომ იმის მიხედვით, თუ რომელი ზოდიაქოს ნიშნით მოევლინა ქვეყანას, ოჯახის პატარა წევრს შეგიძლიათ შესაფერისი გასართობი უპრობლემოდ შეურჩიოთ.
თუკი ოჯახში პატარა ქალწული გეზრდებათ
ქალწული ბავშვისთვის, ისევე როგორც, მიწის სტიქიის კიდევ ერთი წარმომადგენლის კუროს შემთხვევაში, საუკეთესო გასართობი ბუნებაში ყოფნა და ეზოში სირბილ-თამაშია. პატარა ქალწულს ძალიან უყვარს ქვიშაში სახლებისა ან გვირაბების შენება. თუმცა, მისი ყურადღების მიქცევა იმ შემთხვევაში თუ კერძო სახლში ცხორების ბედნიერება არ გაგაჩნიათ, საინტერესო კონსტრუქტორითაც შეიძლება.
ქალწული ბავშვები გასაოცარი, ლოგიკური აზროვნების უნარით გამოირჩევიან. შესაბამისად, იგი ნებისმიერი სახის კონსტრუქტორს დეტალების სიზუსტით ააწყობს და დაშლის. ხოლო, თუკი თქვენი პატარა ქალწული გოგონაა მის გასართობად კონსტრუქტორის ნაცვლად ნებისმიერი სახის ხელსაქმე გამოგადგებათ.
წყარო: astrologi.ambebi.ge
