გაიგეთ როგორ უნდა დააკონსერვოთ სიმინდი... ეს ძალიან გამოგადგებათ!
გაიგეთ, როგორ უნდა მოამზადოთ სიმინდის მარცვლების მარინადი სახლის პირობებში მარტივად...
დაგჭირდებათ:
• 1 კგ. სიმინდი
• 1,5 ლ. წყალი
• 2 ს. კ შაქარი
• 2 ს. კ მარილი
• 4 გრ. ლიმონმჟავა
მომზადება:
1. კარგად გაწმინდეთ სიმინდი ფუჩეჩისგან. გააცალკევეთ სიმინდის მარცვალი ტაროსგან.
2. ცალკე ქვაბში აადუღეთ წყალი და მოათავსეთ მასში სიმინდის მარცვლები 3 წუთით. აიღეთ კიდევ ერთი კონტეინერი და ბლანშირების შემდეგ მორჩენილი წყალი მასში გადაწურეთ.
3. დაუმატეთ წყალს მარილი, შაქარი და ლიმონმჟავა და კარგად აურიეთ.
4. მოათავსეთ სიმინდის მარცვლები ქილებში და შემდეგ დაასხით მომზადებული მარინადი. მეტალის თავსახურით მოხუფეთ თითოეული ქილა. მოათავსეთ ქილები ცხელწყლიან ქვაბში და მოახდინეთ მისი პასტერიზაცია 3 საათნახევრის განმავლობაში.
5. გაამოძრავეთ ქილები და დააწყვეთ თავდაყირა, გაახვიეთ პლედში.
