ფრანჩესკო ტოტის კორონავირუსი დაუდასტურდა
ფრანჩესკო ტოტის კორონავირუსი დაუდასტურდა. COVID 19-ზე დადებითი პასუხი რამდენიმე დღის წინ ფეხბურთელის დედამ ჩააბარა, რის შემდეგაც სამედიცინო შემოწმება მანაც გაიარა და ტოტიც ინფიცირებული აღმოჩნდა.
„რომასა“ და იტალიური ფეხბურთის ლეგენდა იზოლაციაშია და იქიდან გამომდინარე, რომ ვირუსი მსუბუქ ფორმებში მიმდინარეობს, ის სახლის პირობებში მკურნალობს.
ოქტომბერში ტოტის მამა 76 წლის ასაკში კორონავირუსით გარდაიცვალა.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
წყარო:imedinews.ge
