დღეიდან, ქვეყნის მასშტაბით, რესტორნები 22 საათამდე იმუშავებენ
მთავრობის უწყებათაშორისი საბჭოს გადაწყვეტილებით, საქართველოს მთელ ტერიტორიაზე რესტორნებს 22 საათის შემდეგ მუშაობა აეკრძალა.
„თბილისში, ქუთაისში, მცხეთასა და ბათუმში რესტორნების მუშაობა იყო შეზღუდული 22:00 საათიდან. თუმცა, იმის გათვალისწინებით, რომ იქ გამართული ღონისძიებებისა და წვეულებების დროს შეინიშნება ინფიცირების მაღალი რაოდენობა, ჩვენ მივიღეთ გადაწყვეტილება, რომ რესტორნებმა მთელი ქვეყნის მასშტაბით იმუშაონ 22:00 საათამდე”, – განაცხადა ვიცეპრემიერმა, მაია ცქიტიშვილმა.
