გიორგი ვაშაძე: „სტრატეგია აღმაშენებლის“ გუნდი მზად ვართ, რომ ბოლომდე მივიღოთ პროცესში მონაწილეობა
ბევრი ვიმუშავეთ. არის გარკვეული ახალი საკითხები, რაც დაიცვა, - ამის შესახებ აშშ-ის ელჩის რეზიდენციაში მოლაპარაკებების მეოთხე რაუნდის შემდეგ „სტრატეგია აღმაშენებლის“ ლიდერმა, გიორგი ვაშაძემ განაცხადა. მისი თქმით, კვლავ დგას რიგგარეშე არჩევნების და ე.წ. პოლიტპატიმრების საკითხი. ამასთან მხარეებმა საარჩევნო რეფორმასთან დაკავშირებული საკითხებიც განიხილეს.
„ყველაფერს აკეთებენ მოდერატორები, რომ პოზიციების დაახლოება მოხდეს. მთავარია, რომ პროცესი მიდის. არ ვიცი სადამდე მიგვიყვანს ეს პროცესი, პირდაპირ გეუბნებით. თუმცა ჩვენ, „სტრატეგია აღმაშენებლის“ გუნდი მზად ვართ, რომ ბოლომდე მივიღოთ პროცესში მონაწილეობა“, - განაცხადა ვაშაძემ.
