ირაკლი კობახიძე: ყველა საკითხზე, ნებისმიერ არასამთავრობო ორგანიზაციასთან დისკუსიისთვის მზად ვართ
ნებისმიერ არასამთავრობო ორგანიზაციასთან მზად ვართ დისკუსიისთვის, - ამის შესახებ საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა ირაკლი კობახიძემ „რუსთავი 2“-ის ეთერში განაცხადა.
„ყველაფერთან დაკავშირებით, ეს იქნება მოლაპარაკებები, კანონპროექტები, ჩვენი პოლიტიკური პოზიციები - მზად ვართ ნებისმიერ არასამთავრობო ორგანიზაციასთან დავსხდეთ და ყველაფერი განვმარტოთ, მივიღოთ შენიშვნები, შეიძლება ამ კანონპროექტში რამე არასწორად გვიწერია. მივიღებთ ამ შენიშვნებს და ასევე მივიღებთ საბოლოო გადაწყვეტილებას“, - განაცხადა ირაკლი კობახიძემ.
პარლამენტში საპარლამენტო საბოტაჟის წინააღმდეგ მიმართული კანონპროექტების პაკეტი შევიდა.
