გვითხარით რას აკეთებთ გაღვიძებისას და გეტყვით როგორი ადამიანი ხართ
დილაუთენია, თბილი ლოგინიდან ადგომა ბევრ ადამიანს უჭირს, მაგრამ სამსახურში წასვლა აუცილებელია. ამასთან, ჩვევები, რომლებსაც გაღვიძებისას ვავლენთ, ადამიანის პიროვნებაზე მეტყველებს.
მაღვიძარაზე ადრე იღვიძებს
ბევრი ადამიანი მაღვიძარას ზარამდე იღვიძებს, რაც იმაზე მიუთითებს, რომ ის თავისი საქმის ერთგულია, სამსახურში დაგვიანების ეშინია, დროის მნიშვნელობა ესმის და მისთვის ყოველი წუთი ძვირფასია. ასეთ ადამიანებს თავისუფლად შეიძლება პუნქტუალურები და ენერგიულები ვუწოდოთ.
მაღვიძარას ზარზე იღვიძებს
ამ ტიპის ადამიანები შრომისმოყვარენი არიან, მაგრამ საკუთარი შესაძლებლობების ზღვარს არასოდეს გადადიან. საკუთარ მოვალეობებს ნელა ასრულებენ, მაგრამ ყველა საქმე ბოლომდე მიჰყავთ.
გაღვიძებისთანავე საყვარელ ადამიანს ეძებენ
ადამიანს, რომელიც გაღვიძებისთანავე საყვარელ ადამიანს ეძებს ან ეძახის, შეიძლება ნამდვილი რომანტიკოსი ვუწოდოთ. ის პარტნიორზე ძალიან დამოკიდებულია და მის გარეშე ერთ წუთსაც ვერ ძლებს.
გაღვიძების შემდეგ ჭერს დიდხანს უყურებს
ის მეოცნებეა, რომელსაც ისევ ძილის მდგომარეობაში გადასვლა სურს და ამიტომ თბილ საწოლთან განშორებას არ ჩქარობს. ასე ძირითადად, შემოქმედი ადამიანები ან ფილოსოფოსები იქცევიან.
ისევ იძინებს
ასეთ ადამიანებს საერთოდ არ აღელვებთ გარშემო რა ხდება, მთავარია, საწოლში დიდხანს კოტრიალის საშუალება ჰქონდეთ. მათ თავისუფლად შეიძლება უდარდელები ვუწოდოთ.
გაღვიძებისთანავე სოციალურ ქსელებს ამოწმებენ
ასეთი ადამიანი ძალიან დამოკიდებულია საზოგადოებრივ აზრზე. მას გამუდმებით აინტერესებს ვინ მისწერა, ვის მოეწონა მისი ფოტო და რამდენად ფიქრობენ მასზე ვირტუალურ სივრცეში.
გაღვიძებისთანავე საწოლიდან დგება
ეს არის აქტიური ადამიანია. ის ყოველთვის მზადაა საგმირო საქმეებისთვის და როგორც წესი, დილას აქტიურად ვარჯიშობს.
გაღვიძებისთანავე ლოგინს ალაგებს
ასეთ ადამიანებს წესრიგი და ორგანიზებულობა უყვართ და ზოგჯერ ძალიან მომთხოვნები არიან გარშემო მყოფების მიმართ.
ლანძღვა-გინებით დგებიან საწოლიდან
მხოლოდ ალალი და პატიოსანი ადამიანები გამოხატავენ თავიანთი ნამდვილ ემოციებს და ამის არ რცხვენიათ. თუ დილას გაღვიძება უჭირთ, ისინი ამას არ დამალავენ, რადგან ძალიან პირდაპირი ადამიანები არიან.
