ახლა უნდა მოვთხოვოთ "ტვიტერს" და "ფეისბუქს" სააკაშვილი აკრძალონ - ირაკლი კაკაბაძე

მწერალი ირაკლი კაკაბაძე, საქართველოს ყოფილი პრეზიდენტის, მიხეილ სააკაშვილის მიმართვას ეხმაურება და მოუწოდებს სოციალური ქსელების ადმინიტრაციას, აშშ-ის ყოფილი პრეზიდენტის მსგავსად, დაბლოკონ სააკაშვილის გვერდი ძალადობრივი მოწოდებების გამო.

"ეს არის ერთ-ერთში ტრამპის განცხადება. ეს არის შეფარული მოწოდება ძალადობისაკენ. პუტინის მოგზავნილი სააკაშვილი იგივეს აკეთებს საქართველოში, რაც პუტინის მოგზავნილმა ტრამპმა გააკეთა ამერიკაში. თუ ტვიტერმა და ფეისბუქმა აკრძალეს ტრამპი – ახლა უნდა მოვთხოვოთ მათ რომ სააკაშვილი აკრძალონ. და არა მარტო მათ – მეინსტრიმ მედიამაც უნდა აკრძალოს ეს წამქეზებული და მკვლელი (ეს მკვლელობები უკვე ჩადენილი აქვს პრეზიდენტობის დროს). ამერიკაში FBI-იმ დაიწყო დაპატიმრებების დიდი სერია, სადაც სახელმწიფო გადატრიალების მომხრეებს იჭერენ და მათმა ერთ-ერთმა ლიდერმა უკვე აღიარა, რომ ეს იყო ორგანიზებული თავდასხმა, რომელსაც პირადად ტრამპი ხელმძღვანელობდა. ჩვენთან კი ტრამპის ბიზნეს პარტნიორი და უკვე ყოფილი დიქტატორი ხელმძღვანელობს ამ წაქეზების კამპანიას. ეს კაცი დასაჭერია – გასასამართლებელი კიდევ ერთი მუხლით – და მისი ყველა ხელშემწყობი. ეს ადამიანები მშვიდობიან მოქალაქეებს სიცოცხლეს არ გვაცლიან. ეს ყველაფერი კი ხელს აძლევს მხოლოდ ერთ კაცს – პუტინს. ჩააჩუმეთ და დაიჭირეთ ეს სახელმწიფო დამნაშავე! და ამავე დროს მისი ყველა ხელშემწყობი – მომხრეს არ ვგულისხმობ – არამედ კონსპირაციაში მონაწილე ყველა პირი! ესენი აპირებენ მშვიდობიანი მოსახლეობის ამოხოცვას. არ დაიმსახურა საქართველომ ეს.”

შეგახსენებთ, მიხეილ სააკაშვილმა განაცხადა: “ჩვენი ხალხი ითხოვს სამართლიანობას! ამ ხალხს უნდა დავუბრუნოთ თავისი ხმა, თავისი უფლებები და დავაძლევინოთ სიღარიბე და უკანონობა და ეს უნდა მოხდეს ძალიან მალე”.