ზუგდიდში ხმაურია - დაუმორჩილებლობის აქციის მონაწილეები და სამართალდამცველები ერთმანეთს დაუპირისპირდნენ
ზუგდიდში დაუმორჩილებლობის აქცია იმართება. აქციის მონაწილეებმა "კომენდანტის საათი" განზრახ დაარღვიეს და კოვიდპანდემიის გამო დაწესებული რეგულაციების გაუქმებას მოითხოვენ.
პოლიციელებთან დაპირისპირება მას შემდეგ მოხდა, რაც სამართალდამცველებმა აქტივისტებს სამხარეო ადმინისტრაციის ტერიტორიაზე, ასფალტის მოხატვის უფლება არ მისცეს.
აქციის მონაწილეებს გამოტანილი აქვთ "საქართველოს ბანკის" ფილიალზე თავდამსხმელის, ბადრი ესებუას ფოტო იმის ნიშნად, რომ "ქართული ოცნების" ხელისუფება არ ებრძვის იმას, ვისაც რეალურად უნდა ებრძოლოს და ებრძვის პროტესტსა და აქტვიზმს.
