ავღანეთში გაეროს ავტომანქანებზე თავდასხმას 5 ადამიანი ემსხვერპლა
გაეროს ავტომანქანებზე ავღანეთში მომხდარი თავდასხმის შედეგად 5 ადამიანი დაიღუპა. ამის შესახებ Ariana News იუწყება.
თავდასხმა ქაბულის და ჯელალაბადის დამაკავშირებელ გზაზე მოხდა. ტერორისტებმა მანქანებს ცეცხლი გაუხსნეს. ერთ-ერთის მძღოლი ადგილზე დაიღუპა, ხოლო მანქანა მდინარეში გადავარდა, რასაც კიდევ 4 ადამიანი შეეწირა.
დაღუპულთა შორის გაეროს თანამშრომლები არ არიან. თავდასხმას უსაფრთხოების ძალების წარმომადგენლები ემსხვერპლნენ, რომლებიც ავტოკოლონას აცილებდნენ.
