კარიმ ბენზემას ხუთწლიანი პატიმრობა ემუქრება
კარიმ ბენზემას ხუთწლიანი პატიმრობა ემუქრება. „რეალის“ ფორვარდს ყოფილი თანაგუნდელის მატიე ვალბუენას დაშანტაჟებაში ედავებიან. საქმეზე სასამართლო პროცესი ოქტომბერში ჩაინიშნა.
გამოძიების მტკიცებით, ბენზემა 2015 წელს ასრულებდა შუამავლის როლს ვალბუენასა და იმ ადამიანებს შორის, რომლებიც ვალბუენას ინტიმური სახის ვიდეოების გამოქვეყნებით ემუქრებოდნენ.
სკანდალური ამბების გახმაურების შემდეგ, ბენზემა ნაკრებიდან მოკვეთეს და საფრანგეთის ეროვნულ გუნდში უკვე ხუთი წელია არ გამოუძახებიათ.
