შეუერთდება თუ არა კალაძე გახარიას გუნდს - თბილისის მერის პასუხი
„კახა კალაძეს არაფერი სჭირს საიმისო, რომ ვინმეს გუნდში იხილოთ“, - ასე უპასუხა დედაქალაქის მერმა მედიის შეკითხვას, რომელიც ყოფილი პრემიერ-მინისტრის, გიორგი გახარიას გუნდთან შეერთებას შეეხებოდა.
„კახა კალაძეს არაფერი სჭირს, რომ ვინმეს გუნდში ვიხილოთ. საამისო არაფერი სჭირს კახა კალაძეს. რაც შეეხება მერობას, რამდენიმე დღის წინ, როდესაც გვქონდა შეხვედრა, ამასთან დაკავშირებით ვისაუბრე და ვრცლად გავაკეთე განცხადებები. ჯერ ადრეა საუბარი იმაზე, ვინ უნდა იყვნენ მერობის კანდიდატები მთელი ქვეყნის მაშტაბით, როდესაც ამის დრო მოვა, პირობას გაძლევთ, პირველი გაიგებთ ჩემგან და პარტიის თავმჯდომარისგან, ვინ იქნებიან მერობის კანდიდატები და ასევე საკრებულოს მიმართულებით, მთელი ქვეყნის მაშტაბით“, – განაცხადა კახა კალაძემ
