ბალის ჩრდილოეთით ინდონეზიური წყალქვეშა ნავი გაუჩინარდა
ინდონეზიაში გაუჩინარებულ წყალქვეშა ნავს ეძებენ, რომლის ბორტზეც 53 ადამიანი იმყოფება. ამის შესახებ BBC წერს.
გამოცემის ინფორმაციით, ნავი KRI Nanggala-402 ბალის ჩრდილოეთით სწავლებაში მონაწილეობდა, მაგრამ დათქმულ დროს სარდლობასთან კავშირზე აღარ გასულა. სამძებრო სამუშაოებში სამხედრო ხომალდებია ჩართული. ინდონეზიის ხელისუფლებამ ოპერაციაში დახმარების თხოვნით ავსტრალიასა და სინგაპურს მიმართა.
ინდონეზიის ფლოტში 5 წყალქვეშა ნავია. KRI Nanggala-402 გერმანიაშია აწყობილი.
