"ამ ეტაპზეც გრძელდება უარგუმენტო კრიტიკა..." - ვაქცინით უზრუნველყოფაზე კრიტიკას ტიკარაძე "უარგუმენტოს" უწოდებს
კორონავირუსის ვაქცინით მოქალაქეების უზრუნველყოფის შესახებ კრიტიკას ტიკარაძე "უარგუმენტოს" უწოდებს. ამის შესახებ მინისტრმა პარლამენტში სიტყვით გამოსვლისას განაცხადა.
"როგორც წლის დასაწყისში, ამ ეტაპზეც გრძელდება უარგუმენტო კრიტიკა ვაქცინაციის უზრუნველყოფასთან დაკავშირებით. სამინისტროს გუნდის მიერ გაწეულია უდიდესი ძალისხმევა და მინდა აღვნიშნო, რომ არ შეიძლება ადამიანების დაუღალავ შრომასთან ასე მოპყრობა. მნიშვნელოვანია, გავითვალისწინოთ ყველა ადამიანის ჩართულობა და შრომა და სათანადოდ დავაფასოთ ეს, საბოლოოდ გავხდეთ სოლიდარულები და დავძლიოთ ის არსებული სიძულვილის ენა, რომელიც საზოგადოებაში დღემდე ისმის", - განაცხადა ტიკარაძემ.
