„ქურდული სამყაროს“ წევრობისთვის დაკავებული 25 პირიდან 10-ს პატიმრობა შეეფარდა
„ქურდული სამყაროსთან“ კავშირისა და მისი წევრობისთვის დაკავებული 25 პირიდან 10-ს აღკვეთის ღონისძიების სახით სასამართლომ პატიმრობა შეუფარდა.
საქმეზე გადაწყვეტილება რუსთავის სასამართლოს მოსამართლემ მადონა მაისურაძემ გამოაცხადა.
დაკავებულთა ადვოკატებმა შუამდგომლობით მიმართეს მოსამართლეს და ნაწილის შემთხვევაში, გირაოს სახით თანხის გადახდა, ნაწილისთვის კი აღკვეთის გარეშე დატოვება მოითხოვეს, თუმცა მოსამართლემ შუამდგომლობა არ გაითვალისწინა და დაკავებულები პატიმრობაში დატოვა.
