ნორვეგიაში ფილტრებით გადაღებული ფოტოების გამოქვეყნება კანონით იკრძალება
სოციალურ ქსელებში განთავსებულ ფოტოებზე სხვადასხვა ფილტრის გამოყენება ერთგვარ ტრენდად იქცა, რის გამოც ბევრ ადამიანს უჭირს საკუთარი ნამდვილი გარეგნობა გამოაჩინოს და უარი თქვას ფილტრების გამოყენებაზე.
ამ ახალ ტრადიციასთან საბრძოლველად, ნორვეგიაში წარადგინეს კანონი, რომლის მიხედვითაც, ინფლუენსერებს ეკრძალებათ სხვადასხვა მანიპულაციის გამოყენებით დამუშავებული ფოტოების სოციალურ ქსელში განთავსება, ხოლო თუ მაინც ასე მოიქცევიან, აუცილებლად უნდა მიუთითონ, რომ ფოტო დამუშავებულია და რომ კონკრეტული ფილტრი/ეფექტი აქვთ გამოყენებული.
"ასეთი კანონის მიღება კარგი გადაწყვეტილებაა, რადგან ახალგაზრდები საკუთარ რეალურ გარეგნობას ადარებენ არარეალისტურად დამუშავებულ ფოტოებს და როცა ხედავენ, რომ სინამდვილეში ისე არ გამოიყურებიან, როგორც ინფლუენსერები ბრჭყვიალა პროფილებში, იმედგაცრუებულნი რჩებიან. ასეთი შედარებების გამო, ახალგაზრდების ნაწილს თვითშეფასებასთან დაკავშირებით ფსიქოლოგიური პრობლემები ექმნებათ." - განაცხადა ნორვეგიელმა ინფლუესერმა, მედელინ პედერსენა.
