ახალციხეში კორონავირუსს ცოლ-ქმარი ემსხვერპლა
ახალციხეში კორონავირუსით ცოლ-ქმარი დაიღუპა. ინფორმაციას "სამხრეთის კარიბჭე" ავრცელებს.
გამოცემის ცნობით, ცოლი 25 აგვისტოს, ხოლო მეუღლე დღეს, 28 აგვისტოს გარდაიცვალა.
ახალციხეში ბოლო 24 საათში ვირუსს კიდევ ერთი პირი ემსხვერპლა. შედეგად, სამცხე–ჯავახეთში გარდაცვლილთა რიცხვი 82–მდე გაიზარდა.
საქართველოში ბოლო დღე-ღამეში კოვიდინფიცირების 4247 ახალი შემთხვევა დადასტურდა, გარდაიცვალა 74 ადამიანი, ხოლო 3053 პირი გამოჯანმრთელდა.
