,,ათი წელი შვილს ნატრობდა და ვერ ნახა“ – ვინ არის ქალი, რომელიც ტყუპის გაჩენის შემდეგ კორონავირუსით გარდაიცვალა
კორონავირუსით 47 წლის ქალი, ნატო ფხაკაძე გარდაიცვალა.
„ჩემთვის უმძიმესი წუთები, თითქოს დედამიწა გაჩერდა… ჩემი უსაყვარლესი პაციენტი ნატო ფხაკაძე აღარ არის… ერთად ბევრი ვიბრძოლეთ, ერთად დიდი გზა გავიარეთ. ამ ბრძოლაში მან გაიმარჯვა და ნანატრი ტყუპი გააჩინა, როგორ უნდოდა, როგორ ნატრობდა, მაგრამ ვერაგმა Covid19 – მა არ დააცალა მათი მოფერება. რა უსამართლობაა. ნათელში განისვენე. მე შენ მუდამ მემახსოვრები. შენი ექიმი “ლელუ” როგორც მეძახდი…“ – წერს ზურაბ საბახტარაშვილის რეპროდუქციული ცენტრის ექიმი ლელა ირემაძე.
„ათი წელი შვილს ნატრობდა და ვერ ნახა, ვერ ჩაიხუტა ტყუპები ისე წავიდა, შენ ეს არ დაგიმსახურებია, ნატო. როგორ მეგონა, რომ გავიმარჯვებდით ამ ვერაგ კოვიდზე… იქ, სადაც გაფრინდი, ძალიან შორს, შენი შვილები დაიფარე, მამიდუ. ათი წლის ოცნებას ფრთა შეასხი და არც კი დაგცალდა ამ ოცნების ნახვა… გპირდები მარიამს და გიორგის ყოველთვის ემახსოვრები…“ – წერს გარდაცვლილი ქალის ახლობელი.
