95 წლის ანდრო პაპამ კორონავირუსი დაამარცხა
95 წლის ანდრო პაპამ, კორონავირუსი დაამარცხა და უკვე სრულად გამოჯანმრთელდა. ინფორმაციას ამის შესახებ სოციალურ ქსელში გვერდი „ფოთი ჩემი ქალაქია“ ავრცელებს.
ანდრო პაპა სიცოცხლისთვის საშიშ ვირუსს ფოთის ცენტრალური საავადმყოფო-ბომონდი-ში 2 კვირის განმავლობაში ებრძოდა.
ექიმების დაუღალავი შრომის და ზრუნვის შედეგად მოხუცი დღეს სრულად გამოჯანმრთელებულია.
“კლინიკა-ბომონდი“-ს რეანიმაციაში, ახლაც ბევრი მოხუცი და ახალგაზრდა გადარჩენისთვის იბრძვიან. ექიმები მათ სიცოცხლეს საკუთარივით უფრთხილდებიან.
ყოველდღიურად ახალგაზრდები, მოხუცები, კვლავ აგრძელებენ ბრძოლას გადარჩენისთვის. მოხუცები კი ფიქრობენ, რომ მათი გადარჩენა უფლის ნება და მედიკოსების შრომის შედეგი იყო,“ – აღნიშნულია ინფორმაციაში.
