COVID-19-ის საწინააღმდეგო ვაქცინები გვიცავს და არ არის საჭირო ანტისხეულებზე ინდივიდუალური ტესტირება - NCDC
COVID-19-ის საწინააღმდეგო ვაქცინები გვიცავს და არ არის საჭირო ანტისხეულებზე ინდივიდუალური ტესტირების ჩატარება, - ამის შესახებ საუბარია დაავადებათა კონტროლის ეროვნული ცენტრის მიერ გავრცელებულ ინფორმაციაში.
"სხვა ვაქცინების მსგავსად, როგორიცაა წითელას ან პოლიომიელიტის საწინააღმდეგო ვაქცინები, კლინიკური კვლევებისა და მიმდინარე ვაქცინაციის პროგრამების უხვი მონაცემი გვაძლევს იმის საფუძველს, რომ COVID-19-ის საწინააღმდეგო ვაქცინები გვიცავს და არ არის საჭირო ანტისხეულებზე ინდივიდუალური ტესტირების ჩატარება", - ნათქვამია განცხადებაში.
