საცობი რიკოთზე - მოძრაობა შეზღუდულია
რიკოთის უღელტეხილზე საცობია, რის გამოც გადაადგილება შეფერხებულია. ფაქტის ამსახველ ფოტომასალას "ტვ პირველი"ავრცელებს.
გავრცელებული ინფორმაციით, არის ვარაუდი, რომ საცობი განგებ გამოიწვიეს.
საქართველოს საავტომობილო გზების დეპარტამენტის ინფორმაციით, საერთაშორისო მნიშვნელობის თბილისი-სენაკი-ლესელიძის საავტომობილო გზის 155 -ე კილომეტრთან (რიკოთის მონაკვეთი), გზის მიმდებარე ფერდზე ჩამოიშალა მიწის ნაწილი, რის გამოც ნაწილობრივ ჩაიკეტა საავტომობილო გზის სავალი ნაწილი.
დეპარტამენტის ინფორმაციით, ამ დროისათვის ავტოტრანსპორტის გადაადგილება მიმდინარეობს ერთ ზოლზე.
