კობახიძე 27 ოქტომბერს აქციას აანონსებს
“ქართული ოცნების” თავმჯდომარე, ირაკლი კობახიძე 27 ოქტომბერს, 17:00 საათზე, აქციას აანონსებს თავისუფლების მოედანზე.
“ზეგ, 27 ოქტომბერს, 17:00 საათზე გაიმართება ჩვენი პარტიის მხარდამჭერების შემაჯამებელი საარჩევნო შეკრება. ათეულობით ათასი ჩვენი ქვეყნის მოქალაქე შეიკრიბება იმისთვის, რომ კიდევ ერთხელ ვაჩვენოთ, როგორია ქართველი ხალხის ძალა, რომელიც იბრძვის ბოროტების საბოლოოდ დასამარცხებლად, ღირსებისა და თავისუფლების დასაცავად, ჩვენი ქვეყნის წინსვლისა და განვითარებისთვის” - აღნიშნა კობახიძემ.
