"მთავრობა გვატერორებს ხალხს მესამე პრეზიდენტის გატაცებით!" - ბაია პატარაია
უფლებადამცველი, ბაია პატარაია საქართველოს მესამე პრეზიდენტის N18 ბრალდებულთა და მსჯავრდებულთა სამკურნალო დაწესებულებაში გადაყვანას სოციალურ ქსელში ეხმაურება:
"საკუთარი მთავრობა გვატერორებს ხალხს მესამე პრეზიდენტის გატაცებით!
მიდით, მიდით, სიღარიბით გააპრავეთ ქოცებისთვის ხმის მიცემა, ამისთანა ქვეყნის მტერი ჯერ არ ჰყოლია საქართველოს მმართველად", - წერს ბაია პატარაია.
სპეციალური პენიტენციური სამსახურის ინფორმაციით, საქართველოს მესამე პრეზიდენტი რუსთავის მე-12 სასჯელაღსრულების დაწესებულებიდან გლდანის ციხის საავადმყოფოში გადაიყვანეს.
მიხეილ სააკაშვილი თბილისში პირველ ოქტომბერს დააკავეს. ის დაკავების დღიდან შიმშილობს.
