"აშშ-ის წინააღმდეგ ყველა იმ შეურაცხყოფისა და ტყუილის შემდეგ, არ არის სიურპრიზი, რომ კობახიძე მიღებაზე არ მიიწვიეს"-იან კელი
დღეს, ნიუ იორკში განვითარებული მოვლენების შესახებ აშშ-ის ყოფილიმა ელჩმა საქართველოში, იან კელიმ ფორმულასთან ისაუბრა.
"ალბათ, არავის არ უნდა გაჰკვირვებოდა გადაწყვეტილება, რომელიც მიიღო ბაიდენის ადმინისტრაციამ, რომ არ მიეწვიათ პრემიერმინისტრი კობახიძე და მისი დელეგაცია მიღებაზე, რომელსაც მასპინძლობდა პრეზიდენტი ბაიდენი. ყველა იმ შეურაცხყოფის და კომენტარების შემდეგ, რომელიც გაკეთდა და მიმართული იყო ამერიკის შეერთებული შტატების სენატორებისა და ელჩების წინააღმდეგ და ის ტყუილები იმის შესახებ, თუ რა განზრახვა აქვს ქვეყანას, არ არის არანაირი სიურპრიზი ის ფაქტი, რომ არ მიიწვიეს მიღებაზე.
თქვენ ალბათ იხილეთ განცხადება, რომელიც გაავრცელა აშშ-ის ადმინისტრაციამ იმასთან დაკავშირებით, თუ რამდენად მიუღებელი იყო არსებული განცხადებები, შესაბამისად, ჩვენ ძალიან ყურადღებით მივადევნებთ თვალს იმას, რა მოხდება მომდევნო რამდენიმე კვირის განმავლობაში" - განაცხადა იან კელიმ.
