მავნებლის აღმოჩენის გამო, საქართველოს 90 ტონამდე კარტოფილი დაუბრუნეს
მავნებლის აღმოჩენის გამო, აზერბაიჯანმა საქართველოს 89,6 ტონა კარტოფილი დაუბრუნა.
ამის შესახებ პორტალი Trend აზერბაიჯანის სურსათის უვნებლობის სააგენტოზე დაყრდნობით იუწყება.
სააგენტოს ცნობით, იურიდიული პირის, შპს ZE-DENT-ის მიერ ქვეყანაში შეტანილი კარტოფილის პარტიის შემოწმების დროს, პროდუქციის ნიმუშები აიღეს.
სურსათის უვნებლობის ინსტიტუტის ლაბორატორიაში ჩატარებულმა ანალიზმა პროდუქტში კარტოფილის ნემატოდის (Ditylenchus destructor Thorne) არსებობა გამოავლინა.
