"მეძუძურ ბავშვს დედის ყურადღება მოაკლეს, მინისტრად პლასტიკური ბარათების მძერწავი დანიშნეს" - ნიკა გვარამია
"მთავარია რხის" დამფუძნებელი და დირექტორი ნიკა გვარამია სოციალურ ქსელში პოსტს აქვეყნებს:
"ჯანდაცვის მინისტრად პლასტიკური ბარათების მძერწავი დაინიშნა.
ლონდა თოლორაია ბავშვის გაჩენიდან 2 კვირის თავზე აიძულეს დეკრეტიდან გამოსულიყო და მეძუძურ ბავშვს დედის ყურადღება მოაკლეს.
კაციჭამია რეჟიმითქო, რომ ვიტყვით, უტრირებააო გეტყვიან. მგონი, მართლა იმას ელოდებიან, რომ ადამიანების ჭამას დაიწყებენ. თუმცა, არც აღარაფერი დარჩა." - წერს გვარამია.
ცნობისთვის, ირაკლი ღარიბაშვილმა ჯანდაცვის მინისტრის პოსტზე ზურაბ აზარაშვილის კანდიდატურა წარადგინა. ზურაბ აზარაშვილი ამ დრომდე თავდაცვის მინისტრის მოადგილის თანამდებობას იკავებს.