"ვწუხვარ თუ ეს რაიმე ახალი სახის პოლიტიკაა, რომ უარი თქვან ჩემს ციხეში შესვლაზე“ - ლიზა იასკო
უკრაინის რადას დეპუტატი ლიზა იასკო აცხადებს, რომ ციხეში სააკაშვილის მოსანახულებლად არ უშვებენ, მიუხედავად იმისა რომ საბუთები წესრიგში აქვს.
„აქამდე ციხეში მიხეილ სააკაშვილის მონახულების პრობლემა არ მქონია. დაშვება არ მაქვს და სამწუხაროდ, არანაირი ინფორმაცია ბაზაში არ არის, მიუხედავად იმისა, რომ ყველა საბუთი წესრიგში მაქვს.
ვწუხვარ თუ ეს რაიმე ახალი სახის პოლიტიკაა, რომ უარი თქვან ჩემს ციხეში შესვლაზე. მეუბნებიან რომ მოვიცადო. უკრაინის პარლამენტის წევრი ვარ და ჩემი სამუშაო მაქვს“, - განაცხადა ლიზა იასკო.
