თეგებით ძიება
28. 03. 2022 COVID - 19

"ბოლო 2 წლის განმავლობაში გრიპის შემთხვევების მცირე რაოდენობის უკან ის ღონისძიებები დგას, რასაც კორონავირუსის წინააღმდეგ ვიყენებდით" - ივანე ჩხაიძე

იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ განაცხადა, რომ გრიპის ვირუსთან დაკავშირებით წლევანდელი წელი შარშანდელთან შედარებით განსხვავებული იყო.

"გრიპის ვირუსთან დაკავშირებით შეიძლება ითქვას, რომ წლევანდელი წელი განსხვავებული იყო 2020-2021 წლის სეზონისგან. გასულ წელს გრიპის 2 შემთხვევა გვქონდა, წელს ლაბორატორიულად დადასტურებული შემთხვევების რაოდენობა 100-მდეა, როგორც ბავშვებში, ისე მოზრდილებში.

მნიშვნელოვანია, რომ ჩვენ არ მივიღეთ სეზონური გრიპის შემთხვევების სერიოზული მატება. ამაში გარკვეული როლი ითამაშა კორონავირუსის საწინააღმდეგო ღონისძიებების დაცვამ. ბოლო 2 წლის განმავლობაში გრიპის შემთხვევების მცირე რაოდენობის უკან ის ღონისძიებები დგას, რასაც კორონავირუსის წინააღმდეგ ვიყენებდით. ფაქტია, რომ წელს გრიპის შემთხვევები გაცილებით მეტი იყო, ვიდრე გასულ წელს. საბედნიეროდ, ამან ეპიდემიური მატების სახე არ მიიღო", - აღნიშნა ჩხაიძემ.


თეგები


რეკომენდირებულია თქვენთვის

ყველა

აღმოაჩინეთ მეტი Tia-დან

ყველა