"ვიზიარებ ამ უდიდეს ტკივილს, ბავშვი აივანზე გაიპარა და მეათე სართულიდან გადავარდა" - დომენიკ მანგო
სამოქალაქო აქტივისტი, დომენიკ მანგო სოციალურ ქსელში ნიკოლოზ წულუკიძის ოჯახში დატრიალებულ ტრაგედიას ეხმაურება.
"ვიზიარებ ამ უდიდეს ტკივილს. მთელი გულით განვიცდი ამ ამბავს. უკვე რამდენიმე საათია რაც გავიგე ამ ტრაგედიის შესახებ და მას შემდეგ დამძიმებული ვარ. ნიკოლოზ წულუკიძის 2 წლის შვილი უბედური შემთხვევის შედეგად გარდაიცვალა. ბავშვი აივანზე გაიპარა და მეათე სართულიდან გადავარდა. შეძრული ვარ ამ ამბის გამო", - წერს სამოქალაქო აქტივისტი.
შეგახსენებთ, გვიან ღამით ტელეწამყვანი, ნიკოლოზ წულუკიძის შვილი კორპუსის მე-10 სართულიდან გადავარდა და გარდაიცვალა.
