"ჩემი შვილი გადავარდა მაღალი, მეორე სართულიდან... ნიკას ტრაგედია რომ გავიგე, მთელი სხეული მტკივა" - ინგა გრიგოლია
ჟურნალისტი, ინგა გრიგოლია ნიკა წულუკიძის ტრაგედიას სოციალურ ქსელში ეხმაურება და წერს:
"წლის და ორი თვის რომ იყო, ჩემი შვილი გადავარდა მაღალი, მეორე სართულიდან. დაიმტვრა, მაგრამ გადავრჩით. სანამ აღმოვაჩინეთ, რომ ცოცხალი იყო, გავთავდი…. იმ დღიდან თავისუფლად ვერ გავდივარ აივანზე, მაღალ სართულებზე…. საშინელი ფობია მაქვს. გუშინ საღამოდან მოყოლებული, ჩემი საყვარელი ნიკას ტრაგედია რომ გავიგე, მთელი სხეული მტკივა. გული მტკივა. რა ვიცი.. რა შეიძლება დავწერო. ამის გაძლება წარმოუდგენელია და გაოგნებული ვარ, ამ ქვეყანაზე ვისაც ვიცნობ, მგონი, ყველაზე საყვარელი ადამიანია ნიკა, ყველაზე პოზიტიური, კეთილი.. მართლა გულით რომ გიყვარს და გაბედნიერებს მასთან მეგობრობა. რატომ მოხდა ეს უბედურება მის თავს.. სადაა სამართალი.. მგონი, არაა", - წერს გრიგოლია.
