"ბორჯღალოსნებმა“ პორტუგალიის ნაკრები დაამარცხეს
საქართველოს მორაგბეთა ნაკრებმა ქუთაისში „აია არენაზე“ პორტუგალიას უმასპინძლა. გადამწყვეტ შეხვედრაში „ბორჯღალოსნებმა“ პორტუგალიის ნაკრები 23:14 დაამარცხა.
მატჩის პირველი ნახევარი „ბორჯღალოსნების“ გამარჯვებით, ანგარიშით 9:6 დასრულდა. 3 ჯარიმა ზუსტად თედო აბჟანდაძემ შეასრულა.
მეორე ნახევარში კი, სტუმრებმა ანგარიში გაათანაბრეს, თუმცა მირიან მოდებაძისა და დავით ნინიაშვილის ლელოებისა და ზუსტი გადასახების მეშვეობით საქართველოს ნაკრების უპირატესობა გაიზარდა.